Eze 30:13-19 | LugEEEE | STEP | “ ‘Bw’ati bw’ayogera Mukama Katonda nti, “ ‘Ndizikiriza bakatonda baabwe ne nzikiriza bakatonda abakole n’emikono mu Noofu. Temulibaamu mulangira mu nsi ey’e Misiri nate, era ensi yonna ndigireetako entiisa.

Ezekiel 30:13-19

13 ^a“ ‘Bw’ati bw’ayogera Mukama Katonda nti,

“ ‘Ndizikiriza bakatonda baabwe
ne nzikiriza bakatonda abakole n’emikono mu Noofu.
Temulibaamu mulangira mu nsi ey’e Misiri nate,
era ensi yonna ndigireetako entiisa.
14 ^bNdifuula Pasulo okuba amatongo,
ne Zowani ndikikumako omuliro
ne mbonereza n’ab’omu No.
15 Ndifuka ekiruyi kyange ku Sini,
ekigo kya Misiri eky’amaanyi,
era ndimalawo n’ebibinja bya No.
16 Ndikuma omuliro ku Misiri,
ne Sini baliba mu bubalagaze bungi,
ne No balitwalibwa omuyaga,
ne Noofu baliba mu kubonaabona okw’olubeerera.
17 ^cAbavubuka ab’e Oni n’ab’e Pibesesi
baligwa n’ekitala,
n’ebibuga biriwambibwa.
18 ^dEnzikiza eriba ku Tapaneese emisana,
bwe ndimenya ekikoligo kya Misiri,
era n’amaanyi ge yeewaana nago galimuggwaamu.
Alibikkibwa n’ebire
era n’ebyalo bye biriwambibwa.
19 Bwe ntyo bwe ndibonereza Misiri,
bategeere nga nze Mukama.’ ”